ATAQUES DE CANGUROS E INDEPENDENTISTAS GALEGOS!!

Chris Rickard é o australiano que a istas horas se recupera nun hospital de Melburne do brutal ataque dun canguro producido fai uns días cando o agora ingresado acudíu salvar ó seu can da paliza que estaba recibindo do marsupial, sabemos que Chirs evoluciona favorabelmente pero descoñecemos o estado da súa mascota , un descoñecemento só equiparábel ó que teñen as forzas de represión españolas de lugo que despois de veren queimado o portal dunha academia no barrio de Recatelo non se lles ocorre outra cousa que acusar directamente na prensa e nos medios ó independentismo galego coma primeira hipótese da queima sen ter nen o menor indicio constatábel, cans e txakurras lugueses fóra das terras dos canguros australianos e galegos!!

GALICIA VS RDG ( República Democrática Galega ) XA!!

A caída fai 20 anos da parede de Berlín e o show noxento que se montou istes días na cidade e no mundo enteiro para celebrar a súa demolición esperta de novo os sentimentos sempre a flor de pel do Indixenismo Galego , a filosofía do "Reducionismo Amplificador" que tivo na RDA un dos seus máis claros exemplos e que sobrevive na docura do paraiso da actual da moderna e puxante Korea do Norte volta ás primeira plana do ideario nacional galega da man do Movemento Indíxena. No mundial do 1974 enfrontáronse por primeira vez e única vez na história as selección da RFA e da nosa tan amda RDA, mundial que se celebraba no inferno capitalista da República Federal Alemá e cunha selección accidental plagada de estrelas capitaneadas polo podre deBeckenbauer, pero foi un xogador do leste, o que arrasou coas esperanzas dos xermanos do lado do capital, ise home leva o nome de Jürgen Sparwasser, idolo para todos os xermanos posibles e imposibles disa nosa sempre RDA na que sempre seguiremos habitando guiada polo gran lider Eric Honneker. Hoxe son moit@s os que se lamentan de que ista xunta da barbarie linguistica e nacional non se implique e deixe de lado o partido da selección galega de futbol e plantexamos xa a necesidade urxente de división por medio dun muro de 5 metros e alambrada de espiños electrifiada dise presado de terra chamada Galicia para no lado oriental establecer os cementos da República Democrática Galega cuxo estadio nacional de billarda, futbol , atletismo e fusilamentos levará o nome de Jürgen Sparwasser.....Traveseiro , agardamos unha escolma de vida e obra do xogador para facer a placa que presida a cerimonia de inauguración, República Democrática galega , un novo gol á barbarie do capitalimo!!

A CONTUNDENCIA DO ROCK LAPÓN DE SOMBY ARRASA NO LIET INTERNATIONAL _09!!

O grupo de rock lapón SOMBY convérteuse iste pasado sábado no vencedor do festival internacional de línguas minorizadas Liet International -09 , mentras que o grupo sardo de Hip Hop Dr. Drer en Crc Posse recibiron o Premio do Público do festival , unha edición na que Galiza non tivo presenza e na que os únicos representates ibéricos foros os asturianos , representados por Alfredo González que conseguíu un noveno posto , lonxe daquel histórico segundo posto dos Dixebra do ano pasado , ademáis os propios Dixebra pódese decir que ista find eclipsaron ó seu representante no festival xa que os de Avilés apresentaban no Llanes al Cubo o que se di coma o mellor disco de toda a súa história e que iste vindeiro 7 de novembro poderemos paladear en Chantada no Castañazo Rock , o título xa o di todo Amor Incendiariu. Longa vida ó liet haxa ou non haxa presenza física galega, o puño e a lingua dista non redacción estará sempre coa filosofía dun festival referencial por encima do lamentábel das eleccións que cada país envíe pasearse polas súas barras e polos seus escearios.

A XUNTA SECOSTRA Ó MAIKINHO OURENSÁ E PROHÍBELLE OS CHUPA CHUPS!!

Vendo o espectacular documental This is it , no que se pode palpar a dimensión descomunal do mito Maikol non puiden evitar non apretar os puños en recordo do neno ourensán secuestrado polos servicios sociais da Xunta para , según eles, salvarlle a vida por mor dunha non demostrada afección morbida. O rapaz é apartado dos seus país e avós por unha simple cuestión de peso, 70 Kg con só 7 anos de idade, a isa idade Maikol xa brincaba polos escearios ianquis custodiado polo látego do seu pai . Feijoó convértese nise Jackson secostrador de infancia diste neno galego , cantos rapaces e rapazas galegos sofren anorexia e a Xunta non actúa apartandoos da súa familia , para iste goberno ter sobre peso e falar galego é sinónimo de ser una apestado social ó que hai que deter e illar brutalmente, non te preocupes rapaz, estamos eiquí ( con dicción ourensá) . So sentimos que coma se pode ver no documental , Maikol chupaba chupa-chups mentras se reunía co seu equipo para analizar os videos da montaxe , un dos feitos de maior impacto humano que a xunta nunca lle vai permitir desfrutalo ó noso Maikinho ourensá....Estamos eiquí!!

ALTERNATIVA INDÍXENA DE COMUNIVACIÓN , NÓS TEMOS A SEMILLA, TI PÓS O ESTERCO!!

Soitu convértense ó formato da Non Redacción, os seus compañeiros de Cámara Abierta realizan iste video en forma de ate logo lucas. Sempre amosamos nistes regos escritos a nosa total admiración cara iste xeito de entender a información e non podemos máis que lamentar a súa baixa que semella defintiva , é quizais un erro de base confiar no apoio do BBVA ou de calquer outra entidade bancaria para forxar un proxecto distas característica. Soitu desprazárase ate a Galiza para analizar nun de xeito empírico o estado da nosa lingua , un feito polo que é de eloxiar cando nos referimos a medios con epicentro situado na metrópole. Destacábel tamén era a sú sección de podcast propios, a quen queira ouvir para montar a alternativa real do xornalimo indíxena galego , nós temos a semilla só necesitamos o esterco...

LIE TO ME : MISIÓN FORO ABERTO!!

Hai moitos motivos para non ver a TV , todos eles conflúen a día de hoxe cando alguén pasa sen querer por calquera das dúas canles da Galega. Lie to me é a serie que protagoniza o magníficao Tim Roth que emite antena3 , atopar algo digno nise vertedeiro de lixo é unha proeza absoluta, dende a cafería de Pulp Fiction , ate o entolecido hotel de 4 rooms pasando por estranos films de mafia rusa Tim Roth desembarca dirixindo un despacho de expertos en descubrir mentiras e mentirosos polo xestos na expresión da cara e no corpo. Cal sería o análise distes expertos de analizaren a xa famosa e referencial entrevista de Carlos Luis Rodríguez a Carlos Callónna Galega? Cal dos dous minte? minten os dous? que quixo decir a efusiva aperta de mans entre os dous ó estilo colegas? é todo unha montaxe e en realidade teñen un relación de amor odio que os leva irremediabelmente a falar de castelanismos na intimidade? . O único que está claro é que ámbolos dous están fóra da realidade, dende o intre que a pasada manifestación de QG servíu a ambos coma o reflexo das dúas Galizas invalida totalmente todo o resto : unha maioría parlamentar por un lado e a suma que di o presidente da mesa de votos PSOE-BNG , o único claro é que en compostela houbo un amplísimo número de persoas que fixeron de tripas corazón para que todo fora como foi , ollo coas manipulacións diste lado xa que o psoe mandou a catro pelagatos e o resto nen moito menos era iso que se chama nacionalismo parlamentar.

GZ-SONAR 2010 NA CORUÑA, SEDE E FESTIVAL SIMULTANEO Ó DE BARCELONA!!

Corfírmase o que ate o de agora eran tan só rumores, o festival de música avanzada de Barcelona sáe por primeira vez da cidade catalá para ter sede simultanea na Coruña . Os peixes do atlántico piscina estamos realmente eufóricos coa nova e agardamos ansiosos comezar a coñecer os camareiros que nos servirán os pratos tanto nos menús de día coma de noite. Pero unha das cousas que máis agardamádos é coñecer o cartaz do festival que abrirá década e se Maradona protagonizou unha das máis impactantes edicións saber se os mandamáis do festival farán algún tipo de guiño á inmersión galega. A istas horas recen confirmada a nova nista non redacción todo son nervios e conxeturas, por fin haberá inmersión de grupos e artistas galegos?, haberá tamén posibilidade de accións paralelas baixo o prisma da ollada propia do páis?. A única mancha dista ilusionate acción é a pegada do puto xacobeo que aparece por detrás, non desbotamos pois a presentación por fin disa artista emo-pop galega da época fraguista de nome Carminha-Burana... Sonar de día , Sonar de Noite, Sonar Kids e por fin tamén..... Sonar no Lusco e fusco galego!!